فيونكات

موقع للبنات فقط
 
الرئيسيةاليوميةس .و .جبحـثالأعضاءالمجموعاتالتسجيلدخول
يا بنوتات أهلا و سهلا بكم في منتدانا المنتدى للبنات فقط Smile المنتدى هاتفك النقال و بيتك الجميل و كتابك الخاص

شاطر | 
 

 الأنوثة أدخلوا و شوفوا هالقصيدة ..

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 423
تاريخ التسجيل : 02/12/2011

مُساهمةموضوع: الأنوثة أدخلوا و شوفوا هالقصيدة ..    الإثنين يناير 16, 2012 12:22 pm

الانوثة مش انك تهوسي عقل الشباب
الانوثه هو انك تحمى نفسك م العذاب
الانوثه شئ وكامن جوه منك وانتى باب
.........استرى عقلك بقلبك والبسى فرضك حجاب
اوعى تتميعى بكلامك او تقولى دول صحاب
تبقى تستهلى اللى يحصل والسؤال ملهوش جواب

ღღღ ღღღ ღღღ ღღღ ღღღ

الانوثة مش مجرد حبة احمر ع الشفايف
الانوثة مش فى انك تهوسى عقل اللى شايف
خافى م المولى اللى حبك حتا منو الكل خايف
ابعدى عن كل شبهه ؟ امهاتنا كتير عفايف

ღღღ ღღღ ღღღ ღღღ ღღღ

الانوثة نعمة غالية ربنا اللى اداها ليكى
وبايديكى تحفظيها او تضيع من بين ايديكى
احمدى ربك تملى واشكرى نعمو عليكى
اوعى تختالى بجمالك كلو زايل من عنيكى

ღღღ ღღღ ღღღ ღღღ ღღღ

خلى صورتك جوه قلبك وامنعى الناس م الكلام
ولا تاخدى كلمه جارحه ولا احسن الاحترام
او هتخدى سهم جارح اسمو نظرات الحرام
انتى اصل الدنـــيا فعلا؟؟؟؟ليكى كل الاحترام
انتى زوجتى وانتى امى وانتى اختى انتى للاسره الامام

ღღღ ღღღ ღღღ ღღღ ღღღ

اقرى ف القران وسيبك م الاغانى مع الصحاب
بكره راح تجنيه ف عملك مش بتامر اودياب
اعرفى سنه رسولك والبسى حجاب او نقاب
اوعى تلتفتى لكلامهم مش دا ارحم م العذاب

ღღღ ღღღ ღღღ ღღღ ღღღ

الزهور بيكون ريحتها طول مشوكها كتير حميها
لو فيوم شوكها يسيبها الف ايد تتمد ليها
او قريبه ف يوم لربك يفضل المولى يراعيها
خلى نورك جوه قلبك والايمان هيكون مليها

ღღღ ღღღ ღღღ ღღღ ღღღ

خلى مكياجك ايمانك مش باحمر ع الخدود
دخلى ايمانك ف قلبك بكره نصبح اكل دود
مش تعدى اى كلمه مهما كانت؟ قفلى كل السدود
كلمى ف الناس بحالها؟؟؟؟ والكلام دا ليه حدود

ღღღ ღღღ ღღღ ღღღ ღღღ

حجبى روحك بعطرك وارضى ربك وامشى راضيه
لو ف مره حد عكسك مش تردى بكلمه فاضيه
اوعى تدى فرصه ليهم وادى ليهم ضربه قاضيه
مش تقولى دول صحابى وف هزار طول الطريق
من هزارك انتى هونتى وانتى هتكونى الغريق
خلى بالك من انوثتك اوعى ترضى هزار جرئ
يلسعك وهتاخدى طبعا والهزار نار الحريق

ღღღ ღღღ ღღღ ღღღ ღღღ

هو احسن ترضى ربك ولا ترضى الناس بحالها؟
الجمال ف الروح بينفع مش بشكلها او جمالها
هو ايه للبنت يشفع ؟ شكلها ولا عملها؟
مش تقولى ايه اللى حاصل؟؟ دى القطط اكلت عيالها

ღღღ ღღღ ღღღ ღღღ ღღღ

دا الجمال فى الروح بيفضل مهما بتعدى السنين
مش تقولى اسكت احسن يعنى هنكلم ف مين
كلمى ف الناس بحالها بس شده مش ب لين
كونى بنت بالف راجل اخرسى ف الطماعين

ღღღ ღღღ ღღღ ღღღ ღღღ
سيرة البنت العفيفة هى احسن شئ يدوم
حبرها مكتوب بدينها مش بمكياج او هدوم
اوعى صوتك يعلا مره والرسول علم علوم
انتى ف ايديكى تكونى بنت نور وسط الغيوم

ღღღ ღღღ ღღღ ღღღ ღღღ

.انسى ماكياجك وسيبى نور الهك يملى وشك
بدلى مرايتك بقلبك مستحيل قلبك يغشك
صلى فرضك وارضى ربك اوعى خوفك يوم يهشك
انتى اجمل الف مرة لو جمالك جوه قلبك
مش مهم الخلق ترضى المهم حترضى ربك
هو ايه فى الكون دا يغلب لو اله الكون دا حبك؟؟

منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://imansuhrrab.forumpalestine.com
 
الأنوثة أدخلوا و شوفوا هالقصيدة ..
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
فيونكات  :: أشعار قد كتبت .... فلنعد ذكرها-
انتقل الى: